• पाकीट मारणे : पैशाचे पाकीट शिताफीने चोरणे.
•  ताव मारणे : भरपूर खाणे.
• माश्या मारणे : रिकामटेकडेपणाने वेळ घालवणे.
• खस्ता खाणे : खूप कष्ट करणे.
• कंठस्नान घालणे : ठार मारणे.
• खांद्याला खांदा लावणे  : सहकार्य करणे.
• खांदा देणे : प्रेत वाहून नेण्यात सहभागी होणे.
• अकलेचा कांदा असणे :  अतिशहाणा असणे.
• एखाद्याला हसणे  :  एखादयाची थट्टा करण्याच्या हेतूने हसणे.
  

  ---

• हुकूमत गाजवणे : अधिकार गाजवणे.
• हातात काठी येणे : म्हातारपण येणे; तोल सांभाळता न येणे.
•  गुण्यागोविंदाने नांदणे : समंजसपणे व आनंदाने राहणे.
• धार काढणे : गायी-म्हशीचे दूध काढणे..
• कटाक्ष असणे : खास लक्ष देणे.
• धान्य निवडणे : धान्यातले खडे / कचरा इत्यादी वेचून बाहेर काढणे.
• हुक्की येणे : लहर येणे.
  

  ---

• कटाक्षाने टाळणे : आवर्जून टाळणे, लक्षात ठेवून टाळणे.
• कुचेष्टा करणे : हिणवणे.
• डोळ्यांत भरणे : पसंतीस उतरणे, खूप आवडणे.
• तुच्छ लेखणे : कमी लेखणे.
•  दृष्ट लागणे : नजर लागणे.
• नजरेत भरणे : खूप आवडणे.
• नवल वाटणे : आश्चर्य वाटणे.
• निरखून पाहणे : लक्षपूर्वक पाहणे.
• मुग्ध होणे : गुंग होणे.
• शिरोधार्य मानणे : आदराने मान्य करणे.
  

  ---

• पाढा वाचणे : एकाच वेळी एकामागोमाग एक अशा अनेक गोष्टी (चुका, तक्रारी, अपराध, गुन्हे) जोरदारपणे मांडणे.
• मनाच्या खिडक्या उघडणे : नवीन दृष्टी मिळणे.
• हृदयाला साद घालणे : भावनेला आवाहन करणे, भावना जाग्या करणे.

पाठानुसार वाक्प्रचार व त्यांचे अर्थ दिले आहे. त्यांचा स्वतःच्या भाषेत वाक्यात उपयोग करण्याचा प्रयत्न करा

• जीव नसणे : प्राण नसणे, अचेतन असणे.
• मान देणे : आदर करणे, सन्मान देणे.
• हमी देणे : शाश्वती / आश्वासन देणे.
• लाडावून ठेवणे : सतत कौतुक करणे.
• आयुष्य संपणे : मरण येणे.
• निरोप देणे : सोडणे.
• शाबूत ठेवणे : जपून शिल्लक ठेवणे.

Vakprachar with Meaning in Marathi Std 10

• गिरक्या खाणे : स्वतःभोवती गोल गोल फिरणे.
• मातीत लोळणे : क्षुद्र पातळीवर जगत राहणे.
• जीव खाणे : खूप त्रास देणे.
• कपाळाला आठी घालणे : वैतागणे
• (एखाद्या गोष्टीचा) चेंदामेंदा करणे : (एखादया गोष्टीचा) चिरडून चिरडून चक्काचूर करणे.
• मातीत मिसळणे : जीवनाचा अंत होणे.
• तोंडसुख घेणे : टीका करून, टोचून बोलून आनंद घेणे.
• कित्ता गिरवणे : आधीच्या प्रमाणेच पुन्हा वागणे / अनुकरण करणे.
• अंतर कायम असणे : पूर्वीसारखाच फरक राहणे.

•  तोंडावर येणे : जवळ येऊन ठेपणे.
• सार्थक होणे : धन्यता वाटणे, परिपूर्ती होणे.
• मन आतून फुलून येणे : मन आनंदाने भरून येणे.
• थक्क होणे : आश्चर्यचकित होणे.
• भान विसरणे : बेभान होणे, शुद्ध हरपणे.

• एखादी गोष्ट कानावर पडणे : लोकांच्या बोलण्यातून एखादी गोष्ट कळणे.
• लोकांनी नाव घेणे : लोकांनी स्तुती करणे.
• डोळ्यांतले पाणी पुसणे :  दुःख दूर करणे.
• चित्र बदलून जाणे : स्वरूप बदलणे.

• नाते जडणे : अतूट भावबंध निर्माण होणे.
•  जीव लावणे :  मायेचे बंध निर्माण होणे.

• शिरोधार्य मानणे : आदरपूर्वक स्वीकार करणे.
• विचारचक्र सुरू होणे : विचार सुरू होणे.
• प्रसाद देणे  : आशीर्वाद म्हणून एखादी गोष्ट देणे; (येथे अर्थ) भरपूर बदडून काढणे.
• ढालीप्रमाणे रक्षण करणे : सर्व संकटे स्वतः झेलून दुसऱ्याचे रक्षण करणे.
• गगनभरारी घेणे : खूप प्रगती करणे.
• डोक्यावर परिणाम होणे : वेड लागणे.
• हसण्यावारी नेणे : काहीही महत्त्व न देणे.
• दाखवून देणे : सिद्ध करणे.
• तावून सुलाखून निघणे : आत्यंतिक कठीण परीक्षेत यशस्वी होणे,
• तोंड देणे : सामोरे जाणे.
• पित्त खवळणे :  खूप संतापणे.
• धडा देणे : शिकवण देणे.

• खूणगाठ बांधणे : पक्के ध्यानात ठेवणे.
• डोक्यावर घेणे : गौरव करणे.
• डोळे टिचणे : डोळे भरून येणे.
• तमा न बाळगणे : पर्वा न करणे.
• मुहूर्तमेढ रोवणे : स्थापना करणे, आरंभ करणे.
• विद्रोह करणे : प्रखर विरोध करणे.
• ससेहोलपट होणे : खूप त्रास होणे,अतिशय छळ होणे.

• घड्याळाचे काटे मागे फिरवणे : भूतकाळात जाणे.
• सुस्कारे सोडणे : उसासा टाकणे.
• खनपटीला बसणे : एखाद्याच्या मागे सतत लागणे.
• तगादा लावणे : पुन्हा पुन्हा सतत आग्रह धरीत राहणे.
• पिच्छा पुरवणे : एकसारखे मागे लागणे.
• निकाल लावणे : सोक्षमोक्ष लावणे, मार्गी लावणे.
• गुडघे टेकणे : शरणागती पत्करणे.

• धीर न सुटणे : हिंमत न हारणे.
• उमेदीने जगणे : जिद्दीने जीवन जगणे.
• मूठ भरलेली असणे : जीवनात वैभव, सुखसंपन्नता असणे.

• तळहातावर शीर घेणे : जीवाची पर्वा न करता शत्रूशी लढणे.
• खचून जाणे : मानसिकदृष्ट्या कोलमडणे.
• झुगारून देणे : पर्वा न करणे.
• वीरगती प्राप्त होणे : देशासाठी लढता लढता मरण येणे.
• निकराने लढा देणे : अखेरपर्यंत शर्थीने, चिवटपणे झुंज देत राहणे.

• आकाशी झेप घेणे : मन ध्येयाकडे उंच झेपावणे.
• विहार करणे :  संचार करणे.
• फळ मिळणे : कार्य यशस्वी होणे.
• जीव बावरा होणे : गोंधळून जाणे, गडबडून जाणे.
• घामातून मोती फुलणे : कष्टातून फळ (यश) मिळणे.
• जीवनात योग येणे : आयुष्यात सुखकारी घटना घडणे.

•  खोडी काढणे : त्रास देणे.
• गट्टी जमणे : पक्की मैत्री होणे.
• डोळे विस्फारून बघणे : आश्चर्याने डोळे मोठे करून बघणे.
• ताईगिरी करणे : वयाने लहान असणाऱ्या व्यक्तीवर हुकुमत गाजविणे.

• निकालात काढणे : निर्णय करून टाकणे.
• आनंद गगनात न मावणे : खूप आनंद होणे.
• नाचक्की होणे : बदनामी होणे.
• दैव बलवत्तर असणे : केवळ दैवामुळेच वाचणे.
• प्रसंगाला तोंड देणे : प्रसंगात धीराने वागणे.
• द्विधा मन:स्थितीत असणे : गोंधळलेल्या मन:स्थितीत असणे.
• अचंबित होणे : आश्चर्यचकित होणे.

Vakprachar with Meaning in Marathi Std 10

• पाठ फिरवणे : मदत न करणे, वंचित ठेवणे.
• स्वागत करणे : मानाने, आदराने एखाद्या व्यक्तीला या म्हणणे.
• परिस्थितीवर स्वार होणे : परिस्थितीवर मात करणे.
• बहिष्कृत करणे : बाहेर ठेवणे, वंचित करणे.
• रणशिंग फुंकणे : युद्ध सुरू होण्याचा इशारा देणे.
• बेड्या तोडणे : स्वतंत्र होणे.
• गळून पडणे : निखळून पडणे.
• ध्यास घेणे: एखाद्या गोष्टीची ओढ वाटणे.
• प्रतीक्षा करणे : वाट पाहणे.

• साकडे घालणे : विनवणी करणे.
• आपलेसे करणे : आपुलकी निर्माण करणे.
• समरस होणे : एकरूप होणे.
• गुण्यागोविंदाने राहणे : मिळून मिसळून आनंदाने राहणे.
• कास धरणे : सोबत धरणे.

•  इनाम मिळणे : बक्षीस मिळणे.
• सुलभीकरण करणे : सोपे करून सांगणे..
• निरीक्षण करणे : नीट पाहणे.
• मंजूर करणे : सहमत होणे.
• ताकास तूर लागू न देणे : थांग लागू ण देणे, गुपित पाळणे.
• ध्यानात घेणे : लक्षात घेणे.

Vakprachar with Meaning in Marathi Std 10

आमचा  Whats App व Telegram Group ग्रुप जॉईन करा आणि शैक्षणिक व इतर  नवीन माहिती लवकर प्राप्त करा.

️▶️️▶️️▶️⚫⚫धन्यवाद⚫⚫◀️◀️◀️